Al tache vuê, propit intal dì dai patrons de citât di Udin, il SAFest – Summer Academy Festival, inmaneât de Academie civiche di art dramatiche “Nico Pepe”, che fint ai 15 di Lui al da acet a students e docents che a vegnin de Estonie, de Spagne e de Gjeorgjie. Par cuatri dîs, Udin si trasforme intun palc mondiâl a cîl viert par talents zovins, un lûc di incuintri tra mestris che a vegnin di diviersis realtâts teatrâls. Un scambi di esperiencis tra scuelis di teatri e academiis internazionâls che al rivuarde ancje il teritori, traviers l’incuintri cul public in ocasion dai spetacui. Miercus ai 12 aes 7.30 sot sere, in largo Ospedale Vecchio, spetacul di danze cun Roberto Cocconi e Luca Zampar e, po dopo, comedie cui arlêfs dal secont an de academie. (A.I.) – 12.07.2023
La academie estive de “Nico Pepe” e vierç fin ai 15 di Lui
78