L’inovâl dal Tiepolo al siere il festival pal artist

In ocasion dal dì dal inovâl de muart di Giambattista Tiepolo, miercus ai 27, aes 7.30 di buinore intal Oratorio della Purità di Udin e sarà fate Messe tal ricuart dal pitôr venit che al à realizât cetantis oparis mestris a Udin. La celebrazion e previôt la esecuzion di musichis di Händel, Vivaldi e Mozart de bande dal organist Carlo Rizzi e dal sopran Chiara Nigris, po dopo une visite vuidade par cognossi lis oparis fatis di Giambattista e di Giandomenico Tiepolo a Udin. La cuarte edizion dal “Festival dei Tiepolo e del Settecento in Europa”, diret di Maria Paola Frattolin e inmaneât di Itineraria dal F-Vj, si siere aes 6.30 dopomisdì a Cjassà, inte cjase storiche dal Sietcent Villa Gallici Deciani, cuntune visite speciâl fate di storie, art e cercis. (A.I.) – 26.03.2024