Lavôr neri intun cantîr a Tresesin

A van indenant i controi sui lûcs di lavôr in regjon e magari cussì no a vegnin fûr di un continui violazions pesantis des normativis. Miercus ai 22 di Fevrâr, i Carabinîrs dal Nucleo ispettorato del lavoro a àn sospindût la ativitât di une imprese che, dopo di un control intun cantîr a Tresesin, e je risultade inosservante su plui fronts: un manoâl su cuatri al jere ‘in neri’, a mancjavin cierts dispositîfs di sigurece e il personâl nol jere stât formât in maniere adeguade cemût che imponût de leç. Di là de sospension de ativitât, i militârs a àn sanzionât la imprese par 30 mil euros. (A.D.G.) – 22.02.2023