Auto capotade daspò dal scuintri a Udin

Al è di doi ferîts, ducj e doi puartats tal ospedâl il risultât dal incident sucedût vuê di matine aes 7 a Udin, te crosere tra vie Leonardo da Vinci e vie Cadore.

Al somee che dut al sedi stât provocât dal mancjât rispiet de precedence. Si son dadis cuintri dôs machinis, une Renault vuidade di une siore di 34 agns di S. Denêl e une Subaru che al volant al jere un om di 58 agns di Rovigo. Propit la veture dal venit par vie dal fuart colp si è capotade su vie Cadore.

Sul puest i Vigjii dal fûc, i sanitariis dal 118 e i carabinîrs dal Nucli radiomobile e de stazion di Udine Est. (a.d.g.) – 27.08.2025