Zûcs par grancj par meti in vore il cjâf

Cinc apontaments di joibe a buinore par meti in vore il cjâf, divertîsi cui amîs e combati l’isolament sociâl. “Estate Enigmistica” (Istât enigmistiche) al è il gnûf program ufiert de associazion culturâl Kaleidoscienza par cui che al à plui di 50 agns. Dentri dal progjet al è stât tirât Paolo Munini, un educadôr professionist, espert di zûcs di taule e enigmistiche, che al progjetât une schirie di events te sede di Udin in via Brigata Re, dentri de ex caserme “Osoppo”, par stimolâ e stiçâ l’esercizi inteletuâl, promovi il benstâ mentâl e fisic e miorâ la cualitât de vite. Il program al tache ai 16 di Lui cun “Parola magica”, un zûc inspirât dal mecanisim de ghiliotine, cussì preseât par television: cinc peraulis e une soluzion ugnule che lis lee dutis. Si va indevant ai 23 di Lui cu lis peraulis in crôs a teme musicâl e i altri apontaments fint ai 27 di Avost. (A.I.) – 15.07.2026