Vueli(s) in fieste intun an di incressite

La produzion taliane di vueli di ulive e torne a incressi e la nestre regjon si conferme teritori “par pôcs” ma di cualitât ancje se cun numars piçui (105 toneladis di vueli produsudis) e une filiere voltade ancje ae formazion e valorizazion al paisaç. La edizion 2026 di “Olio e Dintorni”, in program di vinars ai 22 e fint a domenie ai 24 te vile Maseri di Vuelis di Manzan, e sarà propit une celebrazion di chest moment., cuntune schirie di events in trê dîs. Dongje di mangjâ e e bevi, a saran cunvignis pai esperts e no dome, cercis par ducj, musiche dal vîf, sport e cjaminadis sul teritori, cualchi cogo innomenât (Kevin Gaddi, Ambassadôr dal gust dal F-Vj), concierts e spetacui, une mostre di art e te ultime zornade ancje la premiazion dal concors “Olio dell’Abbate – Maseri”, cun sedis aziendis di dute la regjon in gare pal miôr vueli dal an. (A.I.) – 21.05.2026