Visite a une vile dal Sietcent tal cjistiel di Darcjan

Il program une vore penç de seste edizion dal “Festival dai Tiepolo e dal Sietcent in Europe” (dai 5 di Març ai31 di Otubar dal 2026), un progjet culturâl curât de associazion Itineraria che al cumbine la valorizazion dal patrimoni storic e artistic cu la riscuvierte di storie, art, musiche e economie dal secul diesim otâf, al va indevant joibe 3. In carelon un gnûf event de serie “La Vile tant che aziende di produzion tal Sietcent”: un viaç traviers lis cjasis storichis dal Friûl par esplorâ la vite e la economie di chê ete, inricjît di presentazions de bande des aziendis locâls. La scree si davuelzarà dentri dai mûrs medievâls dal cjistiel di Darcjan Disore, par une imersion speciâl te evoluzion architetoniche, artistiche e economiche dal lûc dal Sietcent. La visite vuidade dal cjistiel e de vile dal Sietcent e sarà compagnade di une presentazion e cercis par cure di aziendis locâls. (A.I.) – 02.09.2026