La iniziative “Lant ator par vilis e cjistiei te nature e culture dal F-Vj”, promovude de associazion AICS, e va indevant daspò de piçule polse pe Madone di Avost cuntune gnove schirie di zîrs dal cûr dal Friûl, par scuvierzi lis bielecis naturâls dal teritori e il so paisaç, compagnâts di vuidis naturalistichis espertis. Ma ancje par lâ indaûr tal timp, visitant cjistiei e vilis sioris di storie e di incjant, par solit lûcs sierâts al public. Sabide ai 23 si larà sot sere inte cjase fuarte “Il Bergum” di Remanzâs par une cjaminade cence padin di 7 km jenfri vignis e lûcs antîcs. Il dì dopo, si tache di buinore par visitâ il cjistiel di Prampero, cuntune cjaminade di Magnan a Dartigne, compagnâts de contesse Maria di Prampero ae scuvierte des storiis di famee. Il mês di Avott si sierà domenie ai 31 te vile Gallici Deciani di Montegnà. (A.I.) – 21.08.2025
Foto di L. Repetti
