Vile de Claricini: fieste dopo trê agns di lavôr

In trê agns di lavôr, plui di doi etars di zardin storic a son stâts disvilupâts di gnûf, a son stâts plantâts 25 mil arbui e 16 aziendis a àn ristruturât lis zonis verdis e i edificis dal complès, cuntun invistiment di passe 3 milions di euros. Chescj a son i numars che a metin in struc dut il lavôr di restaur e rigjenerazion fat te Vile di Claricini Dornapcher, une residence storiche tal borc di Butinins di Muimans dongje Cividât. Un program di lavôr complès che si è sierât e al sarà celebrât cuntun event speciâl domenie ai 21, il dì dal solstizi dal Istât, cu la partecipazion di autoritâts civîls, religjosis e politichis de regjon. Dopo di chel al sarà proponût un conciert dai Solisti Veneti, un event musicâl nassût de colaborazion cu la Academie di studis dal piano “Antonio Ricci”. (A.I.) – 20.06.2026