Un arbul par ogni persone “juste”

Tierce edizion pal cartelon di incuintris e events “La memoria del legno” (La memorie dal len) di joibe ai 13 di Novembar e fint ai 6 di Març dal 2026 in dîs lûcs dal Friûl-Vignesie Julie. n mosaic che al instrece leterature sientifiche e la art de narazion tal segn di un gnûf umanisim. Lis vitis des personis “justis” dal nestri timp a saran al centri di un procès di divulgazion soredit a pro des zovinis gjenerazions, par promovi i valôrs di justizie ambientâl e sociâl e la solidarietât umane. Par fâ chel, a saran plantâts altris arbui tal “Bosc dai juscj” dal F-Vj, screât tai ultins doi agns. Dîs arbui in ancjetantis localitâts a saran dedicâts a personalitâts de storie contemporanie o resinte: ducj ambassadôrs dal impegn pe sostignibilitât di ogni sorte. Il prin a jessi plantât, aes 10 e mieze di buinore di joibe ai 14 a Davian, al sarà un Ginkgo Biloba dedicât a Altiero Spinelli e Ernesto Rossi, paris dal federalisim european. (A.I.) 12.11.2025