Trê dîs di archeologjie a Aquilee

Di vinars ai 12 fint a domenie ai 14 di Jugn, Aquilee e celebre lis Zornadis europeanis de archeologjie cuntun program siôr di events e di ativitâts dedicadis a discuvierzi il patrimoni archeolic de citât. Il program al scomence di buinore cu la presentazion dal progjet european XRCulture tal Museu Archeolic Nazionâl, che al dopre la inteligjence artificiâl e la realtât estese par creâ modei in 3D dal patrimoni culturâl. Il centri dal event al è sabide ai 13, cul Archeo Open Day, la Zornade vierte de Archeologjie (a jentrade libare cence sore nuie): in che ocasion, archeolics, restauradôrs e ricercjadôrs a vierzaran al public i lûcs principâi di sgjâfs de citât, des termis grandis al Teatri, dal forum al Decuman, al puart fluviâl, fint ai marcjâts antîcs e lis “domus”. Par dut il dì, il public al varâ la pussibilitât di sielzi intune varietât di esperiencis. Lis zornadis si sierin domenie ai 14 cun gnovis dimostrazions di produzion di veri te zone dai marcjâts antîcs, intant che sot sere a saran lets di plui vôs letaris e documents de prime vuere mondiâl tal cimitieri dai erois. (A.I.) – 12.06.2026