Toratis medievâls viertis pe fieste dal Beât Beltram

Lis toratis medievâls de citât di Udin si vierzin al public, che al varà la pussibilitât di imerzisi intal grant passât che al à marcât la citât, di scuvierzi i fats leâts ai protagoniscj de storie locâl e di viodi i lûcs plens di storie, cognossint lis vicendis che a àn passât, des distruzions ai restaurs, aprofondint i aspiets plui curiôs e particolârs de vite intal ‘300 in Friûl. Une oportunitât uniche par imerzisi te storie e te culture medievâl dal Friûl, tacant de fondazion dal Patriarcjât di Aquilee intal 1077, passant secui di grant ferment culturâl e politic. La zornade di visitis e je inmaneade par joibe ai 6, propit in ocasion dal aniversari de muart di Beltram di Saint Geniès, Beât patriarcje di Aquilee. Lis toratis viertis a son chês di puarte Vilalte e di puarte Aquilee. (A.I.) – 05.06.2024