La tierce serade di “bal sociâl” si davuelzarà vinars ai 10, a tacâ des vot e mieze sot sere, par un pâr di oris, a Feagne te Cjase di Catine a Feagne. Cheste e je une esperience partecipative dulà che il moviment e la musiche a son elements di dialic, rispiet e di scolte di un cul altri, che e fâs part dal program “Cambiare le storie”, Cambiâ lis storiis. Ancje cheste volte si spietisi un bot di partecipants, a dozenis, stant che la iniziative e je stade un sucès che nissun al podeve crodi. I balarins a saran une altre volte tirâts dentri de atore e cjantante Nicoletta Oscuro e dal dramaturc e regjist argjentin Hugo Samek: “I pas perfets no coventin – a sclarissin – al base dome il desideri di jessi li, parcè che il bal, la danze a son simpri stâts un mût di jessi adun e di riscuvierzi il valôr dai incuintris reâi.” (A.I.) – 09.04.2026
Foto di A. Durigatto
