Telefriuli e devente “smart”. Di vuê ogni telespetatôr che al dispon di un televisôr di ultime gjenerazion, conetût a Internet, al pues decidi cuâi programs viodi, dulà che e cuant che al vûl.
E je stade ativade di fat la HbbTv, acronim che al sta par ‘Hybrid Broadcast Broadband Tv’: e je une inovazion tecnologjiche impuartante, che e unìs la esperience de tv tradizionâl a chê in streaming (trasmision di dâts). Al permet di viodi, a gratis, aes diretis fruibilis traviers il terestri digjitâl e al met a disposizion dai telespetatôrs une pluralitât di servizis ‘on demand’ che us son zontâts. Cui che al dispon de fibre o di un colegament otim internet al pues viodi lis trasmissions di Telefriuli cuntune cualitât ancjemò plui alte di chê garantide dal sisteme tradizionâl, ancje superiôr al standard HD.
La gnove tecnologjie e je za disponibil pai telespetatôrs de regjon e e sarà implementade ancjemò di plui par consintî ai utents, in dut il mont, di creâ il propri ‘palinsest su misure’, cence tignî cont dal sisteme operatîf che di chel si dispon. (A.D.G.) – 19.01.2023
Telefriuli e devente plui inteligjent
158
