Setembar a Grau: il mês des escursions

Lis feriis no son finidis, almancul no par ducj. Lis escursions, la navigazion, lis risiervis naturâls e lis visitis tes isulis a rivin a dâ gnovis oportunitâts par scuvierzi la lagune e continuâ a vivi Grau ancje tal mês di Setembar. La lagune e je plui di un ambient naturâl: cun plui di 9.000 etars e un ecosisteme di valôr straordenari, e rapresente il paisaç che al à compagnât la nassite e il disvilup de comunitât, dant forme aes sôs tradizions e al rapuart cul mâr vie pai secui. Al dì di vuê chest patrimoni, che al cjape dentri ancje dôs risiervis naturâls regjonâls, al è un dai ambients plui inmagants e miôr conservâts dal Alt Adriatic. Il Consorzi dal Turisim di Grau al ufrîs si che duncje diviersis oportunitâts par scuvierzi il teritori in Setembar, de nature ae culture, al mangjâ e bevi. Il prin event Fôs dal Lusinç, isule de Cone, che e partìs di diviersis zonis di Grau La escursion e cjape dentri une visite vuidade de risierve e, par sierâ, ancje un aperitîf cuant che al va jù il soreli. Il tour dal vin e dal artesanât,, al torne Miercus ai 2 di Setembar al torne “Wine&Craft Tour” un itinerari di cercis traviers dal centri storic, e di vinars ai 4 “AstroBike”, une corse in biciclete cu la pussibilitât di fâ osservazions astronomichis. Dai 10 di Setembar a tornin a tacâ lis visitis vuidadis dal Cason di Pasolini te isule di Mota Safon. (A.I.) – 31.08.2026