S. Nicolau e i Krampus in Valcjanâl

Ogni an ai 5 di Dicembar, creaturis strambis a vegnin fûr dal bosc. Cuant che e rive la sere, tal aiar si sintin sunôrs di sampogn e di lontan e rive une procession che e fâs pôre: cuvierts dal fum e cu lis falis impiadis, i Krampus a scuarzin S. Nicolau sul so biroç. Te zone di Tarvis, compagn de Carinzie e de Slovenie, S. Nicolau, vistût di vescul e compagnât dai “diaui” in mascare, al va di cjase in cjase laudant i fruts bogns che si inzenoglin par preâ e al cride chei plui berechins. La grande sfilade in Valcjanâl e scomence aes cinc di dopomisdì te place Dante a Tarvis, la stesse ore a Cjamparòs, daspò d mieze ore a Rabil e Cocau e aes sîs sot sere a Malborghet, intant che a Fusinis la fieste e tache za ae 1 e mieze di dopomisdì. (A.I.) – 04.12.2025