Record di bandieris blu pe Isule di aur

10/05/2022 – Grau a à otignût la sô trentesime cuarte Bandiera Blu Fee, il ricognossiment plui prestigjôs pes localitâts balneârs e al tocje cussì il record nazionâl, intune cu la ligure Moneglia. La bandiere blu a svintule di fat di gnûf su la aste plui alte de Isule dal soreli e a impreziosìs i 130 agns di storie turistiche di Grau, a garanzie de cualitât de aghe e dai servizis che a son ancje i parametris plui domandâts dal turisim inte ere de gnove normalitât. La cerimonie di consegne, vuidade de ministre pai Afârs regjonâi Mariastella Gelmini, si è fate inte matinade di martars ai 10 di Mai a Rome: in totâl a son stâts 210 i Comuns talians premiâts, 9 in plui a pet dal an passât. ADG