Plui di otante cantinis viertis pal fin setemane

Par miârs di apassionâts di dute la regjon e no dome, il cont a ledrôs al è za scomençât. “Cantine Aperte” al torne sabide ai 30 e domenie ai 31 l’innomenât event inmaneât dal Moviment dal Turisim dal Vin dal F-Vj, pront une altre volte par mudâ la regjon intun itinerari di savôrs,, vin, mangjâ e ospitalitât. Rivât inte sô trentesime tierce edizion, l’event al cjaparà dentri 84 impresis locâls, di chês 82 a son cantinis di produzion di vin e, pe prime volte tal 2026, dôs distilariis, che a vierzaran lis puartis al public par un fin setemane di degustazions, esperiencis imersivis e la scuvierte dal patrimoni dal vin e dal paisaç de regjon. Ancje chest an e sarà une atenzion speciâl ai prodots locâi e ae ecelence “IoSonoFVG”. (A.I.) – 28.05.2026