Paveis, sport e culture, a Bordan

Ducj a cognossin Bordan pes paveis. Se la Cjase des paveis intal piçul borc furlan e continue a jessi chê plui impuartant in Italie (l’an prossim si celebraran i 20 agns), è son però daûr a diversificâ lis propuestis pal timp libar. La Associazion Volo Libero Friuli e à inviât in chescj ultins dîs il progjet “Bike & Fly”, par meti adun il svol e la bici. Il prin pas al è stât comprâ bicicletis di dâ a nauli par rivâ al pont di jevade; si va jù in svol intant che lis bicis a vegnin ripuartadis injù dai operadôrs (informazions sul sît dal Svol Libar Friûl). Lis bicicletis a puedin ancje jessi dadis a nauli par une escursion semplice intal Glemonat e inte Val dal Lât. La Cjase des Paveis e fasarà duncje di pont di nauli e di cuartîr gjenerâl, inte zone di rivade. (A.D.G.) – 05.07.2022 – com