Palestre par rimpinâsi inte ex caserme Osôf a Udin

Udin al varà une gnove palestre di cret. Lu à dit il vicesindic e Assessôr ai lavôrs publics Loris Michelini: “La Regjon, cu la leç pe concertazion, e à stanziât doi milions di euros par realizâ, dentri de aree de ex Caserme Osôf, la struture”. “Si trate – al à sclarît – di un progjet ambiziôs par ducj i apassionâts di cheste dissipline che e je deventade di pôc olimpiche. La palestre e ospitarà trê specialitâts: chê a cuarde, chê de velocitât e chê dedicade ae dificoltât, il dut simpri inte sigurece massime”. (A.D.G) – 05.08.2022