Motôrs, ruedis e musiche a Lignan

La “Biker Fest International”, la fieste dai motârs – e no dome chel – nassude tal 1987, al è rivât ae sô cuarantesime edizion, confermant la sô posizion tant che epicentri de culture “custom”, ven a stâi chê des motos personalizadis, in Europe. Di joibe ai 14 a fint a domenie ai 17, il palc principâl inte zone dai baracons di Lignan al sarà al centri de fieste, dongje des dozenis di events leâts ai motôrs su dôs e ancje cuatri ruedis, cuntune schirie di concierts dal vîf ducj a jentrade libare cence sore nuie. Cuatri dîs di “Rally, Race, Rock Festival” a volum alt, là che si viodaran sunâ veterans dal rock talian dongje di talents zovins e i grups di tribût plui preseâts dai motârs, ma ancje lis selezions di Miss Italia pal F-Vj (une novitât de edizion di chest an) inte serade di viertidure. Dut il program complet dal event, ancje i concierts al è in rêt su la pagjine dedicade dal sît uficiâl HYPERLINK “http://www.bikerfest.it/” www.bikerfest.it. (A.I.) – 13.05.2026