Lis toratis di Udin viertis pe Fieste de Patrie

Pe Fieste da Patrie dal Friûl, la citât di Udin e torne a scuvierzi il so passât medievâl ,vierzint al public cualchidun dai siei lûcs plui iconics. Vinars ai 3 Avrîl, i visitadôrs a varan la pussibilitât di viodi lis toratis medievâls de citât, lant dentri te storie urbane e tai events che a àn dât forme al disvilup da citât vie pai secui. Cheste iniziative e je une oportunitât preziose par studiâ plui in profonditât la storie dal Friûl e dal Patriarcjât di Aquilee fondât tal 1077. E soredut par capî il rûl strategjic che lis toratis e i mûrs de citât a vevin tal sisteme di difese e te vite di ogni dì de citât medievâl di Udin. Lis visitis vuidadis a permetaran ai visitadôrs di esplorâ i spazis internis, di discuvierzi lis lôr trasformazions vie pal timp e di studiâ i aspiets curiôs e chei mancul cognossûts de vite in Friûl tal diesim cuart secul. La Torate di Puarte Vilalte e sarà vierte cun visitis vuidadis in doi turnis, il stes pe la Torate di Puarte Aquilee, vuê sede dal Consorzi pe Tutele dai Cjistiei Storics dal Friûl-Vignesie Julie. (A.I.) – 31.03.2026