Lignan: musiche pe fin dal an fint ai 4 di Zenâr

Lignan si prepare a saludâ il 2025 e a dâ il benvignût al gnûf an cuntun calendari di events progjetât par cjapâ dentri un public larc. Dal 28 di Dicembar e fint al 5 di Zenâr, la citât si trasformarà intun grant palc di sene tal viert, dulà che la grande musiche taliane e cjate lis tradizions locâls plui autentichis. Trê events a son concIerts di artiscj di innomine nazionâl, ducj a jentrade libare cence sore nuie. Al prin di Zenâr, Arisa, une des vôs plui amadis e ricognossudis de sene musicâl taliane, e larà sù sul palc dal vie Gurize. Ai 2 di Zenâr, Valerio Scanu, vincidôr dal Festival di Sanremo dal 2010, al fasarà un conciert che al puartarà intun viaç traviers passe cuindis agns de sô cariere. Ai 4 di Zenâr, Nick The Nightfly al presente “Nu Classics”, un viaç musicâl che al passe pai plui grancj sucès di Monte Carlo Nights, il so spetacul storic che al è in radio di passe 35 agns. Il calendari si vierç domenie ai 28 cun “Lignano Gospel Christmas”: passe 70 vôs des corâls Sand of Gospel, River Gospel Mass Choir e Saint Lucy Gospel Choir, diretis cun energjie di Alessandro Pozzetto. La gnot dal ultin dal an si fasarà fieste in place cui DJ di Radio PiterPan. (A.I.) – 27.12.2025