La marcje dal prin di Mai a Gurize e Gnove Gurize

Dal prin ai 10 di Mai, Gurize e Gnove Gurize a inmanein il secont di cuatri grancj events di masse de Capitâl europeane de culture. La schirie di apontaments in dîs zornadis dongje de place Transalpine e metarà dongje culture, sport e intratigniment su lis dôs bandis dal ex confin intune maniere uniche. Il prin di Mai, des 8 di buinore, si fasarà la tierce edizion de marcje de amicizie che e lee in maniere simboliche, e no dome, dôs citâts intun unic cûr: Gurize e Gnove Gurize. Chest an l’event al sarà inricjît, si che duncje no je dome che une gnove version de tradizionâl marcje di liende dai agns Setante e Otante, cuant che miârs di personis a podevin passâ il confin – dome par un dì, cence control. I partecipants a podaran sielzi trê percors – di 7, 12 o 16 km – e a saran ancje lis delegazions des citâts zimuladis di Clanfurt e di Chemnitz, che e sarà la Capital europeane de culture tal 2025. Tai dîs che a vegnin dopo, ancje partidis di bale tal zei e balon a cinc cence confins e une schirie di spetacui. (A.I.) – 29.04.2025