La lagune di Grau colôr di rose

Une corse in biciclete jenfri il mâr e la lagune, il cidinôr de nature e il colôr di rose di passe mil fenicotars che si spiegle inte aghe. Cheste e je la esperience che si pues vê a Grau, te risierve naturâl de Valle Cavanata, che ancje par dut il mês Avrîl e da acet a un dai scjaps plui grancj che si cjatin tal Alt Adriatic, e che in chest moment dal an, al rive fint a 1.000 o 1.500 uciei. I fenicotars si puedin viodi miôr di buinore e cuant che il soreli al va jù, e si svicinin fintremai ae piste ciclabil, ufrint pussibilitâts di un incuintri di dongje e visions che a gjavin il flât. Si si scomence dal centri storic di Grau, si va in biciclete traviers di paisaçs de lagune e jets di cjanis dilunc de piste ciclabil FVG 2 fint a rivâ te risierve, che e je la cjase di cetantis bestiis di aghe: in dut, lant e tornant, a son 24 km, alc di plui par rivâ fint a Punta Sdobba. (A.I.) – 05.02.2026