La ‘Corsa delle rose’ ae scuvierte di Grau

A Lignan, ai 16 di Avrîl, e je stade un sucès, cun plui o mancul 1.200 tra coridôrs e cjaminadôrs. Cumò la “Corsa delle rose” si prepare a lâ in sene ancje a Grau, spietant un grant numar di apassionâts dal sport al viert. L’apontament cu la edizion numar un de Corse des rosis, inmaneade de societât sportive Running Team di Conean in colaborazion cul Comun di Grau, al è fissât par domenie ai 21. La corse (o cjaminade, par chei mancul alenâts) e tache aes 10 di matine dal Grado Sport Village, in piazzale Azzurri d’Italia, e si disviluparà suntun percors di 8 chilometris, passant par un biel toc su la rive dal mâr e jentrant dopo intal cûr de citât. La corse e je dedicade aes feminis, ma e je vierte ancje ai oms. (A.I.) – 18.05.2023