In spiete dai cines tal viert, in bici

La rassegne di cine tal viert “Cinebike”, dute di vivi in biciclete lant ae scuvierte di nature e storie, e tache za miercus ai 11 cuntune anteprime aes 7 sot sere a Aquilee, li dai Vini Broili, cuntun “Aperitîf cul autôr”. Pe ocasion, il scritôr Paolo Patui al sarà in dialic cul gjornalist Nicola Angeli par fevelâ di salidis e di fadie tant che simbul dal sport, e no dome. Il dì dopo si scree a Migjee, tal centri civic, la mostre cu dissens di Valentina Angelone “Le incredibili avventure di Luca in Friuli Venezia Giulia – Gorizia e Nova Gorica” (Lis aventuris di no crodi di Luca in Friûl-Vignesie Julie – Gurize e Gnove Gurize), che e fâs part dal progjet “Turisim a fumets”. Di vinars a tachin invezit lis primis proiezions. (A.I.) – 10.06.2025