Domenie prin Mai a son stadis assegnadis lis “Stelis al merit dal lavôr” intal cors di une cerimonie che si è fate a Triest in presince dal sindic Robert Dipiazza e dal prefet Annunziato Vardé, dal Consul regjonâl de Federmaestri, Andree Peressutti, e dal Diretôr dal Ispetorât dal Lavôr di Triest e Gurize, Pierpaolo Giaglione, su deleghe dal Diretôr Interregjonâl, di là des autoritâts civîls massimis, militârs e religjosis de regjon.
La decorazion de “Stelis al Merit dal Lavôr” e je concedude aes lavoradoris e ai dipendents lavoradôrs di impresis publichis e privadis, organizazions sindicâls e associazions che si sedin distints massime par merits singolârs di perizie, laboriositât e bon costum morâl, a vedin cun invenzions o inovazions intal cjamp tecnic e produtîf miorât la eficience dai metodis di lavorazion, a vedin contribuît in mût origjinâl al perfezionament des misuris di sigurece dal lavôr e si sedin dâts fûr par istruî e preparâ lis gnovis gjenerazions inte ativitât professionâl.
I onorâts a son: Fiorella Bernabei (Savio Macchine Tessili S.p.A), Manlio Bortolotti (Rete Ferroviaria Italiana S.p.A), Luigi Boscolo (Trieste Trasporti), Raffaele Canciani (Chiurlo S.p.A), Roberto Casarsa (Degano Primo S.r.L), Giuliana Casasola (ASEM S.p.A.), Micaela Chiaradia (Electrolux Italia S.p.A.), Sandra Contardo (Potocco S.p.A.), Ezio Cumin (Leonardo S.p.A.), Loris De Franceschi (Palazzetti Lelio S.p.A.), Claudio Deluca (Fincantieri S.p.A.), Felice Faraone (Birra Castello S.p.A.), Andrea Gerometta (Diemme Legno S.n.C.), Luca Laurenti (Enel Energia S.p.A.), Luisa Marosa (Ferramenta Sostero dal 1967 snc), Waldo Pagani (Electrolux Professional S.p.A.), Lucia Petrussi (Electrolux Professional S.p.A.), Alessandro Pizzuti (Potocco S.p.A.), Marina Plesnicar (Poste Italiane S.p.A.), Alberto Posocco (Intesa Sanpaolo S.p.A.), Fabio Rizzi (Autorità Portuale Mare Adriatico Orientale S.p.A), Claudio Rossi (Leonardo S.p.A.), Leucio Bartolomeo Votto (Fincantieri S.p.A.) e Andrea Zane (E-distribuzione S.p.A.).
