97
Promovi e valorizâ i cetancj parcs e lis maraveosis areis verdis dal teritori transfrontalîr, daûr dal non di “Nizze de Italie” che al à caraterizât Gurize par dut il vert che al è simpri stât in citât. Par une setemane, la citât e inmanee “Verde capitale”, te suaze di Go! 2025: fint a domenie ai 7, incuintris, ativitâts, cjaminadis e mostris intune citât di “parcs, zardins e âfs”, intune vere “setemane de biodiversitât”, ae scuvierte di lûcs tant che il parc dal Rafut (miercus ai 3, cu la esperte di arbui Tanja Grmovšek), il zardin “Viatori” o i parcs dilunc dal Lusinç, cun cjaminadis leteraris che a saran inmaneadis di vinars e fint a domenie. (A.I.) – 02.09.2025
