Sabide ai 13, il Parc Naturâl des Prealps Juliis al promôf la “Zornade dai trois”, une iniziative dute dedicade a promovi la rêt di trois de zone e di dutis lis personis che, cun cetant impegn e passion, a contribuissin ae sô cure e manutenzion. L’event al fâs part dal program celebratîf “30 voltis il parc”, che si ten par segnâ il trentesim aniversari da fondazion de zone protete. Par cheste ocasion, a vegnin inmaneadis escursions vuidadis dilunc di cualchi percors une vore impuartant intai sîs comuns dal parc, in gracie de colaborazion cul CAI, il Club Alpin Talian, e des sôs sezions locâls, des associazions dal teritori, des aziendis e dai volontariis impegnâts. I percors proponûts a puartaran i partecipants a scuvierzi i ambients naturâi che a caraterizin lis Prealps Juliis, cun itineraris che a cjapin dentri ducj i comuns dal parc. (A.I.) – 12.06.2026
Foto di M. Di Lenardo
