Obietîf cjapât in plen e belanç une vore positîf pe prime edizion di Friuli Doc Spring Edition che e je stade a Lignan tal fin de setemane. La iniziative e à tirât dongje une vore di int in graciis ancje dal puint dai 2 di Jugn e dal prin cjalt, tant che place del Sole si è trasformade intune vetrine pes specialitâts enogastronomichis e lis produzions tipichis dal Friûl-Vignesie Julie.
Il vicesindic e assessôr al Disvilup economic dal Comun di Udin, Alessandro Venanzi, al à dit che “la idee di puartâ une version di Vierte di Friuli Doc inte localitât turistiche di ecelence dal Friûl come che al è Lignan si è dimostrade induvinade. Il public, soredut chel austriac rivât su la cueste pe Sense, al à rispuindût cun entusiasim e al à jemplât i barachins”. (a.d.g.) – 03.06.2025
