Doi dîs pai apassionâts di videozûcs li de Fiere di Udin

da Andrea Ioime

La fiere di Udin e ospite sabide ai 10 e domenie ai 11 “Udin Comics&Games”, un avigniment dut dedicât ai apassionâts di videozûcs, zûcs di rûl, manga, fantasy e fantasience. Intal articolât mont dai zûcs di rûl cu lis cjartis di colezion a son tancj i torneus previodûts vie pes dôs zornadis. I apassionâts e ancje chei che a son dome curiôs a varan a disposizion ancje tancj zûcs dal passât, soredut dai agns ‘80, presints e doprabii ae manifestazion, dulà che no mancjarà la mostre di modonuts “Lego” par cure di un grup di apassionâts, cun esposizion di veris e propriis oparis di art. Tancj i ospits, leâts al setôr, ma ancje no: Adrian Fartade, Elisa Rosselli e Edoardo Brugnoli, ma ancje Cristina D’Avena e Rocco Siffredi. (A.I.) – 08.02.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui