Di Gurize a Budapest cul biroç a cjavâi

Vinars ai 31 aes 11 di buinore, cuatri biroçs a partissin de place Transalpine a Gurize par un viaç traviers de Slovenie e de Ongjarie, par rivâ tal ultin a Budapest ai 6 di Avost. L’event al è une iniziative da Associazion Mitteleuropa e de AFAC, la Associazion furlane dai passionâts di carocis. Ae partence a parteciparan il president dal Consei regjonâl, Mauro Bordin, la conseire comunâl di Gurize, Patrizia Artico, la sindiche di Caprivr, Daniele Sergon, la presidente dal Kulturni Center Bratu, Franka Žgavec, e cetancj rapresentants dal GECT GO. Lis cuatri carocis a viazaran traviers di trê nazions, citâts e paîs, cul ecuipaç che al metarà sù la maiute “Io sono Friuli Venezia Giulia”. “La idee e je chê di dimostrâ – al spieghe Paolo Petiziol, president de Associazion Mitteleuropa – e di spiegâ ai paîs europeans cetant che o sin dongje l’un cul altri, cussì tant che si pues ancjemò lâ di un puest a chel altri cul cjaval.” (A.I.) – 30.07.2026