Inte Basiliche di Aquilee cun scritôrs e studiôs

Une cjaminade vierte a ducj, insiemi a scritôrs, poetis e studiôs, inte Basiliche Patriarcjâl di Aquilee, par rifleti su la storie dal Patriarcjât traviers lis contis e lis curiositâts storichis sui siei lûcs plui significants. Joibe ai 20, aes 6 dopomisdì, in compagnie dal diretôr Andrea Bellavite e di Angelo Floramo e Carlo Selan, a son previodudis la cjaminade, un ghiringhel e, in Sale Romane, lis presentazions dai libris “Trasgressioni” di Floramo, “Basilica” di Selan e la gnove edizion dal poeme “Aquileia distrutta” di Belmonte Cagnoli. La zornade e je a gratis, prenotazion in rêt su: prenotazioni@iodeposito.org (A.I.) – 19.10.2022