Cjistiei vierts: la novitât a Premariâs

Sabide ai 15 e domenie ai 16 di Avrîl al torne “Castelli aperti Fvg” cu la trentesime novesime edizion dal apontament plui bramât par scuvierzi la nestre regjon traviers cjistiei, cjasis e zardins privâts e publics, sierâts di norme al public. A son 18 i cjistiei che a vierzaran lis puartis in graciis dal lavôr dal Consorzi pe difese dai Cjistiei Storics, cuntune novitât: la torate di S. Paolin a Premariâs, une cjase-torate costruide prime dal 1554, dulà che al nassè un impuartant sant furlan, che al fo Patriarcje di Aquilee a Cividât. I cjistiei che a puedin jessi visitâts a son 14 in provincie di Udin, doi in chê di Pordenon e ancjetancj in chê di Gurize. Informazions, oraris e presits su: www.consorziocastelli.it. (A.I.) – 13.04.2023