Cividât al plâs tant ai americans

Cividât al plâs simpri plui ai turiscj forescj intal 2023. La analisi des rivadis in citât fate dal conseîr delegât aes ativitâts produtivis Manlio Boccolini e evidenzie cemût che la antighe Forum Julii e à clamât no dome i visitadôrs classics di lenghe todescje che a vegnin de Austrie e de Gjermanie, ma ancje visitadôrs rivâts une vore numerôs di di là dal ocean.

Di là des presincis forestis, il belanç dal an par Cividât sul front turistic-comerciâl al è tant bon ancje in graciis dal sucès di avigniments tant che Mittelfest e il Pali di S. Donât. (a.d.g.) – 12.09.2023