Cent mil passizîrs a àn doprât intal 2023 il Pas Barcje X River. Il gnûf travuart al è stât tocjât îr, cuant che aes 6 e 20 sore sere, i coniugâts austriacs Alois e Anita Bauer, residents a Niklasdorf, a àn doprât il traghet che al passe il Tiliment unint Lignan a Bibione.
Par celebrâ la cifre taronde, la cubie stiriane, in feriis tal Camping Sabbiadoro e je stade premiade cun dôs permanencis di 3 dîs ognidun di spindi intune struture ricetive di Lignan e Bibion pe stagjon 2024, ufiertis dal Consorzi Lignano Holiday e dal Consorzi Bibione Live.
A dâ acet ai vincidôrs, un comitât di benvignût, rapresentât dal assessôr ai Traspuarts dal Comun di Lignan Marina Bidin, dal sindic dal Comun di S. Michêl al Tiliment, Flavio Maurutto, dal Conseîr regjonâl dal F-Vj Maddalena Spagnolo, dal president e de conseire de societât Lignano Pineta – Marina Uno, Giorgio e Lucia Ardito, dal president dal Consorzi Lignano Holiday Martin Manera, dal diretôr de Bibione Spiaggia Pierluigi Zulianello, dal president di Confcommercio Lignano Enrico Guerin e dal responsabil di TPL FVG Emilio Coradazzo. (a.d.g.) – 06.09.23
