Ator cu lis scufis par imparâ la storie de citât

Il viaç des Citâts Invisibilis XL, il progjet inmaneât di Quarantasettezeroquattro che al invide il public a viodi la regjon cun voi gnûfs midiant dal teatri e das esperiencis imersivis, al va indevant, puartant i spetatôrs une altre volte a Gurize e a Gardiscje cun doi events une vore diferents, ducj i doi leâts de volontât di indagâ la storie dai lûcs e des personis. Vinars ai 3 aes sîs di dopomisdì e torne a Gurize “Orphan My City”, la rapresentazion itinerante dilunc dal confin pensade di Riccardo Tabilio, cuntun zîr audio vuidât des scufis cul Wi-Fi. Il dì dopo aes nûf sot sere, tal Palaç Torriani di Gardiscje, e sarà rapresentade “La forma del maschio”, une produzion scrite e interpretade di Gioele Peressini. Il spetacul al è une riflession su la repression dai cuarps e des identitâts “no conformis” de fin dal diesim novesim secul fint ae metât dal vincjesim secul. Une ricercje teatrâl che e torne a dâ la vôs a chei che a son stâts taiâts fûr o perseguitâts parcè che a jerin diferents. (A.I.) – 02.07.2026