Sabide ai 2 di Lui la scree dal decim mosaic realizât dai arlêfs de Scuele mosaiciscj di Spilimberc, dedicât cheste volte a Afro Basaldella.
“Tra i artiscj regjonâi onorâts inte galarie a cîl viert dai mosaics di Pinede al jentre ancje chel plui zovin dai fradis Basaldella – al sclarìs Giorgio Ardito, president de societât di gjestion balneâr che e à scomençât a finanziâ chestis oparis intal 2011 par ricuardâ il fondadôr Renzo -. I trê, Dino, Mirko e Afro a àn rapresentât intal panorame artistic nazionâl un câs singolâr: trê personalitât che a àn rivât inte piture e inte sculture a realizâsi; trê figuris che si son esprimudes cun formis espressivis tra lôr diviersis, disvilupant ognidun une ricercje espressive personâl”. (A.D.G.) – 30.06.2022
