Aquilee e torne al timp de sô fondazion

Aquilee si pront par tornâ a vivi il spirt des origjinis da citât cun “Tempora in Aquileia”, la grande rievocazion storiche inmaneade dal Comun cul supuart dal Ministeri da culture, de regjon F-Vj e de Fondazion Aquileia. Di vinars ai 19 fint a domenie ai 21 il centri e lis zonis archeologjichis a deventaran un grant palc di sene tal viert par rivivi lis origjinis di Aquilee, ai timps de sô fondazion tal 181 prin di Crist. Il teme di cheste edizion al è “La fondazion da citât: il Sulcus Primigenius”, l’agâr primordiâl che, daûr de tradizion, al segnave i confins sacris de citât al timp de sô fondazion. Te suaze storiche de incursion dal consul Gaio Cassio Longino tai teritoris dai Galli Carni, plui di 500 rievocadôrs in costum a daran vite a bataiis, rituâls, cerimoniis e spetacui che par tirâ dentri il public intun viaç autentic tal timp timp jenfri legjonaris romans e vuerîrs celtis. (A.I.) – 18.06.2026