Aquilee, cumò si pues “fevelâ” cu la storie

In ocasion dal vincjesim setim aniversari de iscrizion te liste dal Unesco dai patrimonis de umanitât (World Heritage List), a Aquilee e je stade inmaneade de fondazion Aquileia cualchi dì indaûr une cunvigne dedicade ae valorizazion dai lûcs dal Unesco tal Friûl-Vignesie Julie. “Aquileia patrimonio di tutti”, Aquileia patrimoni di ducj, al è stât un un aprofondiment ator de acessibilitât culturâl e des gnovis formis di valorizazion dal patrimoni midiant inovazion, inclusion, creativitât, partecipazion dal teritori… L’apontament al è stât ancje la ocasion par presentâ lis video vuidis par ducj e la gnove App “Aquileia”, cui “avatar” di Aratria Galla e di un archeolic che al ‘fevele’ al visitadôr. (A.I.) – 17.12.2025