A Voleson si torne te Ete di Mieç

Il borc antîc di Voleson al è daûr a deventâ un puint simbolic jenfri Orient e Ocident, celebrant la Ete di Mieç e il viaç epic di fra Giovanni da Pian di Carpine, un frari francescan che dal secul decim tierç al passà la Asie cuntun viaç epic, fint a rivâ te cort di Güyük Khan. Di joibe ai 4 e fint a domenie ai 7, il borc al fâs fieste cul tradizionâl “Medioevo a Valvasone”, la Ete di Mieç a Voleson, rivade ae trentesiome tierce edizion cun spetacui, rievocazions storichis, storiis e cjantadis medievâls. “Orientis Partibus” al è il teme sielt pe rievocazion, che chest an e rive juste pal an jubilâr: une ocasion perfete par rifleti su valôrs universâls: il dialic, la comprension, la pâs. Par cuatri dîs, intun paîs che al torne indaûr di cetancj secui, di une procession a une rapresentazion teatrâl, e no dome, il fîl dal discors de manifestazion e je chest an la “Fieste dal mus”, une antighe fieste medievâl che e instreçave il sacri e il profan. (A.I.) – 03.09.2025