A Vile Manin il solstizi al è il “dì de rinassite”

In ocasion dal solstizi di Invier, Vile Manin di Passarian al ospite il “Rebirth Day”, une zornade “de rinassite” dedicade ae celebrazion dal “Tierç Paravîs” di Michelangelo Pistoletto e ae promozion dai struments par lâ bande di une societât plui sostignibile. L’avigniment, che si tignarà sabide ai 21 di Dicembar tal dì dal solstizi di Invier, al è dentri dal program “L’arte della Demopraxia” par cure di Giacomo Bassmaji, part di un grant progjet nassût de mostre “T3rza Terra”, vierte a Vile Manin fint ai 6 di Zenâr. Il “Rebirth Day” e je une ocasion par rifleti sul passaç epocâl che la umanitât e je daûr a vivi e par impegnâsi in maniere ative inte costruzion di un futûr che al sedi plui in armonie cu la nature. (A.I.) – 19.12.2024