A Udin al torne a vierzi l’ort botanic dai volontaris

Al ospite trê colezions cuntune sessantine di plantis: alimentârs, medisinâls e velenosis. Ogni plante e je furnide di un cartelin cui nons sientifics par talian, furlan, todesc e sloven. In graciis dal impegn dai volontaris de ALPI, cu la poie dal Comun di Udin e la colaborazion di altris grups, l’ort botanic di vie Bariglaria a Udin, dongje de scuele Mazzini e dai orts urbans, al torne a vierzi ancje chest an a fin divulgatîf/didatic pai citadins e in particolâr pes scuelis, par fâ cognossi aes gjenerazions zovinis lis plantis spontaniis plui comunis, lis plantis alimentârs e medisinâls e individuâ chês velenosis. Sabide ai 20, aes 5 dal dopomisdì, la fieste pe gnove viertidure: l’ort al restarà viert fint al mês di Setembar. (A.I.) – 18.05.2023