A Siest si torne tai agns Cincuante

Lis stradis dal centri di Siest, un dai borcs plui biei de Italie, a tornin indaûr tal timp – ma no masse – pe gnove edizion di “Sexto Vintage”, une fieste inmaneade dal 2011 par tornâ a vivi i prins agns de nassite dal rock & roll, i Cincuante (e ancje un pôc i prins Sessante). Dai 10 ai 12 di Lui a saran concierts a teme cun grups specializâts in chel repertori, che a rivin di dute la Italie (dut il program su: www.sextovintage.it) , marcjâts di vistîts e acessoris de epoche, mostris e lezions par imparâ a balâ propit come si faseve in chê volte. (A.I.) – 09.07.2026