A Lignan si decît cualis che a son lis fantatis plui bielis dal Fvj

Sabide ai 3 di Setembar aes 9 di sere, sul palc dal Centro Congressi Kursaal di Lignan, si davuelzarà la finâl regjonâl di “Miss Friuli Venezia Giulia” buine pal concors “Miss Italia”.
Il spetacul mandât ancje in direte su Telefriuli, al sarà presentât di Michêl Cupitò: protagonistis lis fantatis che a àn vinçût lis selezions organizadis in Regjon fintremai di Avrîl; lis sfiladis a saran stramezadis di esibizions dai balarins dal Club Diamante Friuli Venezia Giulia e de vôs de cjantante Nicole Vioto.
La organizazion e sarà de “Sil – Società Imprese Lignano Spa” cul coordenament e la direzion artistiche di Paola Rizzotti, titulâr de agjenzie “modashow.it”. Ospits de finâl dulà che si sielzarà ancje “Miss Cinema Friuli Venezia Giulia”, Elisa Molettieri , regjinute di bielece dal Friûl Vignesie Julie intal 2021. La jentrade par assisti al spetacul al sarà gratuite fint al esauriment dai puescj a sentâ e le jentrade in sale e sarà pussibil fint aes vot e trê cuarts di sere.
La vincidore di “Miss Friuli Venezia Giulia” e chês di chei altris titui regjonâi a saran ametudis aes prefinâls nazionâls di “Miss Italia”. (A.D.G.) – 02.09.2022