193
Si clame Frico-Man la version speciâl par furlan di Pac-Man che e sarà presentade pe prime volte in ocasion de gnove edizion di Friuli Doc, ai 9 di Setembar aes 5 di dopomisdì, te Cort di Palaç Morpurgo, dulà che e restarà a disposizion di piçui e grancj fin ae fin de manifestazion. Insiemi cul protagonist dal famôs videozûc vintage – che si podarà zuiâ cun chel in graciis di un cabinât origjinâl dai agns ’80 – a saran ancje i siei nemîs mortâi. La iniziative, promovude de ARLeF e realizade di Ensoul, e nas par promovi il sît www.ghiti.it, portâl bilengâl (furlan talian) pe infanzie, che al puarte fruts e gjenitôrs a scuvierzi la marilenghe cun zûcs, cartons animâts, videos e tancj altris contignûts divertents. (A.I.) – 08.09.2022
