A Cividât e torne la Pache cul Truc

Cividât si inricjìs di iniziativis dutis di vivi a Pasche e il lunis di Pasche jenfri culture e tradizion. Domenie ai 20 e lunis ai 21, in ocasion des dôs fiestis, al torne l’apontament di no pierdi par residents e visitadôrs. In dutis i dôs lis zornadis, il principâl protagonist al sarà di fat “Il zûc dal Truc”. E je une tradizion di pratiche cetant antighe, che e je fate creant un cjadin di savalon che al va jù a struture ovâl, là che, rispietant regulis ben precisis, si fasin cori ûfs colorâts par che si tocjin tra di lôr. L’ûs dal ûf al è cetant impuartant, viodût che al rapresente la rinassite e che al è un simbul de Pasche par ecelence. Si scomence za sabide ai 19 in place Forum Julii Cesar dulà che si tignarà un laboratori pe realizazion dai ûfs colorâts. Il Truc al sarà dopo disponibil in place Pauli Diacun, in place Foro Giulio Cesare, in place S. Pieri, inte plaçute di S. Stiefin a Rualis e inte ex scuele materne di Grupignan, tacant de matine di Pasche. Lunis, al sarà inmaneât un marcjadut di articui manuâi e e je previodude la distribuzion di ûfs colorâts. In dutis i dôs lis zornadis si podaran visitâ ducj i museus comunâi, il Museu Archeologjic Nazionâl e chel dal Domo. (A.I.) – 18.04.2025