Zûcs Paralimpics: dome une atlete dal F-Vj

Nassude a Monfalcone tal 2004, Martina Vozza e sarà la uniche atlete che e rapresentarà il Friûl-Vignesie Julie ai Zûcs Paralimpics di Milan e Cortine, che a tachin ai 6 di Març. Cheste e je la sô seconde esperience paralimpiche, daspò di chê di Pechin cuatri agns indaûr. La atlete de associazion “SportxAll” di Monfalcon, la atlete e sarà in competizion cui atletis cun disabilitâts in dutis lis cinc dissiplinis dal sci alpin, che si davuelzaran a Cortine di lunis ai 9 di Març e fint a domenie ai 15. Martina e sarà compagnade de sô vuide Ylenia Sabidussi, une figure fondamentâl par dâ indicazions tecnichis e tatichis, par esempli a rivuart de inclinazion, de direzion e des cundizions de nêf. (A.I.) – 05.03.2026