Ve dutis lis “acuilis” dal sport

Nassude par promovi la identitât furlane midiant la pratiche sportive, la Associazion Sportive Furlane e à ideât ancje un premi pe “furlanitât” tal sport: il premi “Acuile Sportive Furlane”. La jurie di esperts e à sielt vot nons in ancjetantis categoriis, tacant dal ricognossiment pe “acuile assolude”, ven a stâi par cui che al à puartât ator cui siei risultâts il non dal Friûl: la atlete udinese Tara Dragaš, nazionâl di gjinastiche ritmiche. “Zovine acuile” dal an, il campion di canotaç Josef Marvucic, nassût tal 2006, un dai plui ben inviâts a jessi rapresentant olimpic a Los Angeles 2028. Miôr atlete paraolimpic pe ASF dal president Daniele Puntel al è il nadadôr Luca da Prato;“soremestre” dal an e je Marina Paveglio, vincidore ai mondiâi di corse in mont pes categoriis “master”. Premi ancje al gjornalist sportîf Francesco Tonizzo, ae Brigata Brovada dai tifôs di bale tal zei de scuadre di Cividât e al dirigjent Andrea Marcon, president dal Coni, il prin a fevelâ furlan. (A.I.) – 02.02.2026